B2.DO.AM

EVAN U TATAN

AVETISYAN — Wed, 14 Apr 2010 10:31:30 GMT

"Apricote stone”-ի երգչուհին Մոսկվայում է

Bravo.am-ը պատմել է, որ ապրիլի 2-ին մեկնարկել է Հայաստանը "Եվրատեսիլ 2010”-ում ներկայացնող Եվա Ռիվասի պրոմո-տուրը: Երգչուհին առաջին ծիրանենիները տնկեց Սալոնիկում եւ Աթենքում:

Նիկոսիայում եւս Եվա Ռիվասը ծիրանենի է տնկել

Հունաստանում "Apricote stone”-ը ներկայացնելուց բացի, Եվա Ռիվասը Աթենքում դուետով է հանդես եկել Թաթա Սիմոնյանի հետ: Թաթան կոչ է անում բոլորին աջակցել Հայաստանը "Եվրատեսիլ 2010”-ում ներկայացնող երգչուհուն:

"Հինգ տարի առաջ մի շատ գեղեցիկ աղջիկ ինձ հետ երգ է զուգերգով երգել: Ես շատ սիրեցի էդ աղջկա երգը, տեսքն ու մարդկային հատկանիշները: Անցավ հինգ տարի: Այդ ընթացքում իրեն չտեսա, բայց երգ գրեցի իր համար, որ պետք է երգենք միասին: Հայ ազգը նեկայացնելու է "Եվրավիժնի” մեջ, վստահ եմ, որ այդ օրը մեր բոլորի ձայներն ու սրտերը ուղղելու ենք Եվային, պիտի հաղթենք. առաջին տեղն է բռնելու”,- ասել է Թաթա Սիմոնյանը:

Եվա Ռիվասը Աթենքում դուետով է հանդես եկել Թաթա Սիմոնյանի հետ

Հունաստանից հետո երգչուհու երկրորդ կանգառը Կիպրոսն է եղել: Նիկոսիայում եւս Եվա Ռիվասը ծիրանենի է տնկել, երգել է: Այստեղ նույնպես "Apricote stone”-ը լրատվամիջոցների ուշադրության կենտրոնում է եղել:

Այսօր Եվա Ռիվասը Մոսկվայում է եւ պատրաստվում է մասնակցել ապրիլի 19-ին կայանալիք հոբելյանական "Տաշիր” մրցանակաբաշխությանը: 5-րդ "Տաշիրին” անվանի հայեր են լինելու. կազմակերպիչները հուսով են, որ աշխարհահռչակ Շառլ Ազնավուրին էլ կհյուրընկալեն:

Եվա Ռիվասն Աթենքում

Պրոմո-տուրը շարունակվելու է, Եվա Ռիվասը "Apricote Stone” է երգելու ու ծիրանենիներ է տնկելու Ռումինիայում, Բուլղարիայում, Խորվաթիայում, Սերբիայում, Մակեդոնիայում, Նիդերլանդներում, Բելգիայում, Շվեյցարիայում, Ֆրանսիայում, Գերմանիայում, Իսրայելում, Վրաստանում եւ մի շարք այլ երկրներում:

Вера Брежнева

AVETISYAN — Mon, 15 Feb 2010 11:47:59 GMT

Добавлено: 12.02.2010

Украинская певица, актриса и телеведущая, экс-участница группы "ВИА Гра" может оказаться на улице — ее супруг-бизнесмен Михаил Киперман грозит выгнать свою знаменитую жену из дома.

16 декабря Вера Брежнева во второй раз стала мамой, а спустя неделю артистка приняла участие в съемках концерта "Фабрики звезд-3".

Муж Веры не отличается легким нравом. Бизнесмен Михаил Киперман после рождения дочери не позволяет вести Вере тот образ жизни, к которому она привыкла до того, как ушла в декрет.

Как только Михаил замечает в ее поведении что-то, что не соответствует, по его мнению, статусу молодой мамы, он устраивает скандал.

Поэтому, чтобы вырваться из дома, Вере часто приходится врать мужу. Например, чтобы поучаствовать в съемках нового сезона программы "Южное Бутово" в Москве, Брежневой пришлось придумывать липовую историю, почему ей непременно надо оказаться в столице.

Когда Михаил узнал причину, по которой Вера улетела в Москву, оставив полуторамесячную дочь на попечение мамы и няни, он был просто взбешен.

А когда в Интернете появились фото, где Брежнева копирует Шэрон Стоун в "Основном инстинкте", пригрозил жене разводом.

Кстати, Киперман капризничает не впервые, Вера чуть не лишилась роли в продолжении фильма "Любовь в большом городе", так как Киперман, запрещал ей сниматься в этой ленте - его смущает большое количество постельных сцен с участием Брежневой и Алексея Чадова. Между тем, сама Вера была не прочь играть в любовь перед камерами.

К слову, при съемках первой картины "Любовь в большом городе", пришлось даже менять сценарий, чтобы, так сказать, не запятнать репутацию Веры.

Lady GaGa (настоящее имя Стефани Джоанн) выпустила автобиографию, в которой откровенно рассказала о своей наркозависимости.

AVETISYAN — Mon, 15 Feb 2010 11:41:54 GMT

Добавлено: 12.02.2010

Lady GaGa (настоящее имя Стефани Джоанн) выпустила автобиографию, в которой откровенно рассказала о
своей наркозависимости.

- Мне хотелось походить на своих кумиров - Мика Джаггера и Энди Уорхола, - откровенничает певица. - Казалось, это так круто жить, как они. В 20 лет я погрузилась в темный мир наркотиков и демонов... Я закрывалась в комнате, бесконечно слушала хит «Never Enough 'с' The Cure» и нюхала кокаин. А потом «делала перерыв» с ЛСД.

В ту пору Стефани подрабатывала в нью-йоркском стриптиз-клубе, не чураясь исполнять приват-танцы для особо важных персон. Приходилось ей гастролировать и по стране. Во время одного из выступлений, в стрип-баре Чикаго, она разделась почти догола, за что загремела в полицейский участок.
- Это был переломный момент в моей жизни, - вспоминает GaGa. - Именно тогда я твердо решила, что выбьюсь в люди и стану поп-звездой!
Ей долго пришлось ждать звездного часа. В какой-то момент планы порушила любовь -

Стефани стала домохозяйкой и собственноручно крутила котлеты под воркования друга: «Детка, ты такая сексуальная». Отношения разладились из-за того, что девушка так и не завязала с наркотиками. Гагу закрутил новый черный виток. Дело чуть не закончилось самоубийством. Спасла артистку, по ее словам, покойная тетя.

- Джоан - сестра моего отца, она умерла на 19-м году жизни, - вспоминается артистка в откровениях под названием «Lady Gaga - Just Dance: The Biography», опубликованных в воскресном номере британской газеты «News of the World». - Именно ее дух явился мне и внушил, что надо продолжить добиваться намеченной цели, не опускать руки и не ставить на себе крест.
Всемирный успех все-таки пришел к Lady GaGa. Ее дебютный альбом «The Fame» разошелся тиражом в 2,3 миллиона копий во всем мире. Ее синглы возглавляют хит-парады США, Канады, Великобритании и России. В сентябре 2009 года компания The Official Charts официально объявила певицу «королевой скачивания» за первое место в списке «40 самых скачиваемых песен всех времен». А на прошлой неделе артистка получила две премии "Грэмми" - из трех номинаций, в которых она была представлена.

Кстати, недавно эпатажная американская певица Леди Гага (Lady GaGa) стала номинантом на ежегодную награду Альянса геев и лесбиянок против диффамации.

Լիլու

AVETISYAN — Sat, 13 Feb 2010 07:28:18 GMT

"Այս տարի գիժ եմ…”

Երգչուհու երեկոն "Կոլիզեյում”

Փետրվարի 8-ին "Սայաթ-Նովա” համալիրում Լիլույի երեկոն էր: Երգչուհին կատարեց իր սիրված երգերը, ինչպես նաեւ "Սիրո գիշերը” Էռնա Յուզբաշյանի երգացանկից, հնչեցին նաեւ Ալիսա Քեյսի երգերը:

Երգչուհի Լիլուն "Սայաթ-Նովա” համալիրում

Լիլույի անունը վերջերս շատ չէր հնչում. երգչուհին գնացել էր Եգիպտոս հանգստանալու. "Անցյալ տարին բուռն էր, դրա համար ինձ մի քիչ տվեցի հանգստին: Հետո ընթացքում այնպիսի բաներ եղան, որ պարզապես չէի կարող աշխատել: Հոգեկան աշխարհի հետ կապված չէր, ուղղակի ինչ-որ փոփոխություններ կային, բայց հիմա նորից սկսել եմ իմ գործով զբաղվել”,- ասաց Լիլուն:

Երգչուհին սկսել է նոր երգեր ձայնագրել, տարվա վերջ պատրաստվում է իր երկրորդ ձայնասկավառակը թողարկել: "Տեսահոլովակ էլ կլինի անպայման: Դուետով եմ հանդես գալու Ներեկ A Chilla-ի հետ, այնպես որ իմ երկրպագուների համար հետաքրքիր նորություններ կլինեն: Ռիչարդ Մադլենյանն է նորից երգ գրել ինձ համար, շուտով դա էլ կներկայացնեմ. ուրախ, տխուր, խառը երգ է, թեման սերն է, բայց այս անգամ երեւի ավելի շատ սերը սուտ է”,- նշեց նա:

Երգչուհի Լիլույի երեկոն "Կոլիզեյում”

Լիլույի երեկոյի ընթացքում նորաձեւության ցուցադրություն էլ եղավ: "Elite fashion”-ն այս տարվա չորրորդ ցուցադրությունն էր ունենում: "Երեկոյան զգեստներ են հունական ոճով, թեման դիցաբանությունն է: Սպիտակ, ոսկեգույն եւ արծաթագույնն եմ օգտագործում, որովհետեւ աստվածային են”,- ասաց դիզայներ Ալիսա Հարությունյանը:

"Elite fashion”-ի նորաձեւության ցուցադրությունը Լիլույի երեկոյի ընթացքում

Լիլուն 2010-ին փոքր համերգներ արդեն ունեցել էր. "Բայց հատուկ իմ երեկոն այսօր էր: Այս տարի լավ է լինելու: Ուզում եմ, որ բոլորը մի քիչ ուրիշ դառնան. ավելի մեղմ ու հանգիստ: Մարդկանց մոտենան նորմալ, քան քննադատական: Լիլուն էլ էս տարի գիժ է, գժվել է : Չէ, Լիլուն այս տարի զբաղվելու է միայն իր ձայնասկավառակով: CD-ի անունը դեռ չեմ որոշել, կարծում եմ "Վերջացավ”-ի շարունակությունը կլինի երեւի: Լիլուն եղել է, կա, եւ միշտ մնում է ձեզ հետ, իմ երկրպագուներ…”:

Անջելինա Ջոուլի եւ Բրեդ Փիթ

AVETISYAN — Sat, 13 Feb 2010 07:20:29 GMT

TV, Կինո, Թատրոն, ԹԱՐՄ ԼՈՒՐԵՐ

Ջոուլի եւ Փիթ աստղային զույգը գործ է հարուցում իրենց ամուսնալուծության մասին գրած պարբերականի դեմ:

Անջելինա Ջոուլին եւ Բրեդ Փիթը դատական գործ են հարուցել "News of the World” բրիտանական պարբերականի դեմ, որը գրել էր, թե իբր զույգը պատրաստվում է ամուսնալուծվել:

Ջոուլիի եւ Փիթի ամուսնալուծության գործով զբաղվող "Schillings” իրավաբանական գործակալության ներկայացուցիչներն ասում են, որ հոլիվուդյան հայտնի զույգը պահանջում էր հանել հոդվածը համարից եւ ներողություն հայցել ոչ հավաստի տեղեկություն տարածելու եւ անձնական կյանք ներխուժելու համար: Սակայն պարբերականը մերժեց կատարել զույգի պահանջները, եւ դերասանները, հետեւելով իրենց իրավաբանների խորհրդին, որոշեցին հայց ներկայացնել դատարան:

Անջելինա Ջոուլի եւ Բրեդ Փիթ

Բրիտանացի իրավաբանները դեռեւս զերծ են մնում հայցի մանրամասները ներկայացնելուց:

Հիշեցնենք, որ "News of the World” պարբերականի հոդվածում գրվում էր, որ Անջելինա Ջոուլին եւ Բրեդ Փիթը այցելել են Կալիֆոռնիայում գտնվող ամուսնալուծության գործերով զբաղվող գործակալություն եւ որոշել են, թե ինչպես պետք է կիսեն իրենց ունեցվածքը եւ ով կստանձնի վեց երեխաների խնամակալությունը:

Այս հոդվածի տպագրվելուց հետո, հայտնի զույգի շրջապատից միանգամից մի քանի հոգի հայտնել են, որ տեղեկությունը չի համապատասխանում իրականությանը:

Իսկ Անջելինա Ջոուլին եւ Բրեդ Փիթը ոչ մի կերպ չեն մեկնաբանել իրենց ամուսնալուծության մասին տեղեկությունը: Սակայն փետրվարի 7-ին, զույգը միասին ներկա է գտնվել Ամերիկյան ֆուտբոլի սուպեր գավաթի խաղին եւ ամուսնալուծվող զույգի տեսք ամենեւին չի ունեցել:

Էմմի եւ Միհրան

AVETISYAN — Sat, 13 Feb 2010 07:04:47 GMT

Մադոննան ու Ռիկի Մարտինն էլ են "Hey” ասում

Էմմին եւ Միհրանը առաջինն են հայտ ներկայացրել "Եվրատեսի-2010”-ին մասնակցելու համար, այսօր եւ արդեն քանի ամիս է "Հեյ” են երգում, փետրվարի 14-ին էլ կերգեն եւ "Եվրատեսիլի” հայաստանյան նախընտրական փուլում հաղթելու դեպքում "Հեյ” կասեն Օսլոյի բեմից: Այսօր "Ազդակ” ակումբում լրագրողները "Եվրատեսիլ”-ից էին հարցնում դուետից եւ նրանց հետ հանդես եկող պարողներ Ջեյսոն Յանգից, Սոֆիա Թոֆուից եւ Վալերի Փոլլից: Պարող Քյու Բրդեդն էլ այս գիշեր է ժամանելու Երեւան:

Միհրանն ու Էմմին "Ազդակ” ակումբում

"Հեյ” երգի երաժշտության հեղինակը Վաչե Տեր-Եղիշյանն է, բառերը գրել է Միհրանը: Երգին իրենց նախապատվությունն են տվել Մադոննան եւ Ռիկի Մարտինը: Ներկայացվեց մի տեսանյութ, որտեղ Ռիկի Մարտինն իր մաղթանքներն էր հայտնում Էմմիին եւ Միհրանին: "Հեյ”-ի միքսը արվելու է Միացյալ Նահանգներում, այն ստուդիայում, որտեղ ձայնագրվում են միջազգային բոլոր աստղերը: Երգում մի հատված նվիրված է Մայքլ Ջեքսոնի հիշատակին, քանի որ Էմմին եւ Միհրանը երգչի սիրահարն են:

Ի դեպ, Միհրանն ասաց, որ ընդամենը մի ամիս առաջ է իմացել նախընտրական փուլի գոյության մասին, այլապես չէր համաձայնի մասնակցել. "Գիտեի միանգամից Օսլոյում ելույթ ունենալու համար ենք պատրաստվում: Ամերիկայից եկել եմ, ամենալավ պարողներին եմ բերել”:

Միհրանը հենց օդանավակայանում Bravo.am-ին ասել էր, որ Երեւանում է "Եվրատեսիլը” Հայաստան բերելու նպատակով: "Դրական ենք տրամադրված, վստահ ենք մեր երգի, շոուի վրա: Պատրաստ ենք Հայաստանը ամենալավ ձեւով ներկայացնել եւ "Եվրատեսիլը” բերել այստեղ: Դա է մեր նպատակը: Անում ենք մերը, այն, ինչ կարծում ենք ճիշտն է: Մեր երգը հաղթանակ կբերի”,- ասաց Միհրանը:

Միհրանը Երեւանում է "Եվրատեսիլը” Հայաստան բերելու նպատակով

Էմմին էլ նշեց, որ 6 հոգով են լինելու բեմում եւ 3 րոպեի ընթացքում փորձելու են բոլորին համոզել, որ իրենց հետ գոռան "Հեյ”:

Էմմին բոլորին համոզելու է իրենց հետ գոռալ "Հեյ”

"Եվրատեսիլի” նախընտրական փուլում հնարավոր անարդարությունների մասին խոսակցություններին դուետը հանգիստ է վերաբերվում: "Մենք շատ համեստ մարդիկ ենք, նույն ձեւով էլ ներկայանում ենք: Ցույց ենք տալու մեր արվեստը, ոչ մի գումարային խոսակցություն: Ունենք լավ երգ եւ երկու լավ կատարող, որ Հայաստանը կներկայացնեն լավ ձեւով”,- ասաց Միհրանը:

Միհրանը ծնվել է Հայաստանում, 6 տարեկանում ընտանիքով տեղափոխվել են Միացյալ Նահանգներ: Հպարտ է, որ հայ ժողովուրդը հնարավորություն է տալիս մասնակցել մրցույթին, թեեւ մեծերի "Եվրատեսիլ”-ում ազգության սահմանափակում չկա: "Հորս հետ ամեն օր հայերեն էի պարապում, որ գամ Հայաստան ու անգլերեն չխոսեմ: Ցանկացել եմ դաջվածքներ ունենալ, ականջող, բայց հայրս միշտ ասել է` չես կարող դա անել, որովհետեւ հայ ես: Առաջ չէի հասկանում՝ ինչ է նշանակում հայ լինել, բայց հիմա գիտեմ, որ հայ լինելը շատ կարեւոր բան է”,- պատմեց Միհրանը:

Միհրանն ու Էմմին չհաղթելու դեպքում այլեւս մասնակցության հայտ չեն ներկայացնի

Դուետն ասաց, որ շատ են ուզում հաղթել: "Փետրվարի 14-ին շոուի ընդամենը 10 տոկոսն է լինելու, ինչ ներկայացնելու ենք Օսլոյում”:

Պարողներն էլ հավանել են Հայաստանը, ամենից շատ զարմացած են հյուրասիրությունից. անընդհատ ուտում են:

Ի դեպ, Միհրանն ու Էմմին հայտարարեցին, որ չհաղթելու դեպքում այլեւս մասնակցության հայտ չեն ներկայացնի:

Եվա Ռիվաս

AVETISYAN — Sat, 13 Feb 2010 06:42:45 GMT

"Apricot stone”-ը հնչեց Mezzo-ում

Ասում են` նա կարող է "Եվրատեսիլը” բերել Հայաստան: "Նա”-երից մեկն էլ Եվա Ռիվասն է: Այսօր Mezzo ակումբում տեղի ունեցավ երգչուհու "Apricot stone” /"Ծիրանի կորիզ”/ երգի շնորհանդեսը, որով էլ նա հանդես կգա պետրվարի 14-ին կայանալիք` "Եվրատեսիլ-2010” երգի միջազգային մրցույթի հայաստանյան նախընտրական փուլին:

Եվա Ռիվասի "Apricot stone” երգի շնորհանդեսը Mezzo ակումբում

"Apricot stone”-ի երաժշտության հեղինակը կոմպոզիտոր Արմեն Մարտիրոսյանն է, խոսքերը գրել է պոետ-երգահան Կարեն Կավալերյանը, ով "Եվրատեսիլ”-ում հնչած արդեն 6 երգի հեղինակ է, այդ թվում "Եվրատեսիլ-2007”-ին Հայկոյի ներկայացրած "Any time you need”, 2006-ին Դիմա Բիլանի կատարմամբ հնչած "Never let you go” եւ 2008-ին Անի Լորակի "Shady Lady” երգերի: Ստեղծագործության գործիքավորումը կատարել է Մուրզոն` Արա Թորոսյանը: Որպես բեք-վոկալ հանդես են գալու Տիգրան Պետրոսյանն ու Գոգա Խաչատրյանը, եթե Ռազմիկ Ամյանն էլ չհաղթելու դեպքում համաձայնի այդ դերում հանդես գալ, մեծ սիրով կընդունեն: Շշուկներ կան, որ դուդուկահարն էլ Ջիվան Գասպարյանն է լինելու, բայց այդ մասին դեռ բացահայտ չեն խոսում:

Եվա Ռիվասի պրոդյուսերն է "Արմենիա փրոդաքշն” պրոդյուսերական կենտրոնի հիմնադիր նախագահ Վալերի Սահարյանը, ով էլ Mezzo ակումբում վարեց երգի շնորհանդեսը:

"Եվրատեսիլ” մրցույթի առաջին հաղթող` արդեն 76-ամյա Լիս Ասիենը եւ "Արմենիա փրոդաքշն” պրոդյուսերական կենտրոնի հիմնադիր նախագահ Վալերի Սահարյանը

"Եթե ինչ-որ մեկը համարձակվի ասել` Եվան հայ չէ, կթքեմ երեսին: Ամեն ինչ կանենք, որ փայլուն ձայն հնչի: Շոուն կլինի Օսլոյում, մեր պատմությունն ուրիշ է. 14-ին լավ երգ ենք ներկայացնելու”,- ասաց Վալերի Սահարյանը:

"Պատրաստ եմ պատվով ելույթ ունենալ, անգամ հենց վաղն ու Օսլոյում: Կմասնակցեմ ու կհաղթեմ: Մրցակիցներիս հավասար եմ գնահատում, իմ գործը լավ երգելն է, ոչ թե ուրիշների երգերը լսելը”,- ասաց Եվա Ռիվասը:

Եվային աջակցելու եւ ոգեշնչելու էր եկել նաեւ "Եվրատեսիլ” մրցույթի առաջին հաղթողը` արդեն 76-ամյա Լիս Ասիեն: "Երբ Եվայի ձայնը լսում եմ, արտասվելու ցանկություն է առաջանում, hրաշալի երգչուհի է”,- ասաց նա:

Եվա Ռիվաս

Եվան եւս մեկ անգամ շեշտեց իր հայկական արմատները: "Ես կարող եմ խոսալ հայերեն, հասկանում եմ, բայց ամաչում եմ, որովհետեւ 100 տոկոս չգիտեմ: Այստեղ եմ ապրելու, մի ամսում կսովորեմ”,- ասաց Եվա Ռիվասը` Վալերիա Րեշոտնիկովա-Ծատուրյանը:

Երգը ճիշտ կատարելուն օգնել է նաեւ Հայաստանի ժողովրդական երգիչ Ռուբեն Մաթեւոսյանը: Նա եւս իր բարեմաղթանքներն հղեց Եվային:

Ռուբեն Մաթեւոսյանը եւս ներկա էր "Apricot stone” երգի շնորհանդեսին

"Apricot stone”-ի շնորհանդեսին ներկա էին Սյուզան Մարգարյանը, Նունե Եսայանը, Ավո Խալաթյանը, Հրանտ Թոխատյանը, Արա Գեւորգյանը, Մրոն` Արսեն Գրիգորյանը, Սամվել Գրիգորյանը, Տիգրան Պետրոսյանը: "Dorians” ռոք-խումբն էլ է Եվայի կողքին:

Եվան "Եվրատեսիլի” ապրանք է

"Երգը շատ սիրուն է, հիշվող, եվրոպական: Այդքան որ ասում են հայկական… Մոռացեք, պետք է հասկանալ` ուր է գնում այս երգը: Կոպիտ ասած` "Եվրատեսիլի” ապրանք է: Հնգյակում հաստատ կլինենք: Էմմի/Միհրան դուետն էլ, Ռազմիկ Ամյանն էլ, Եվա Ռիվասն էլ արժանի են հաղթելու, ով էլ լինի, պետք է կողքին լինենք”,- ասաց Նունե Եսայանը:

Նունե Եսայանը "Apricot stone” երգի շնորհանդեսին

Ավո Խալաթյանի համար մեծ գործոն է, որ Եվա Ռիվասը գեղեցիկ է. "Ողջ աշխարհը կտեսնի` ինչ սիրուն աղջիկներ ունենք մենք` հայերս: Երգն էլ շատ լավն է: Բրավո Եվային, բրավո կազմակերպիչներին (Bravo.am )”:

Ի դեպ, Եվա Ռիվասը 22 տարեկան է, ծնվել է Ռոստով քաղաքում: Մասնակցել է ՙ5 աստղ՚, ՙՀայաստանի տարվա երգ՚, ՙՌոստովի Ոսկե ձայն՚ մրցույթներին, որտեղ արժանացել է տիտղոսների: 5 տարի շարունակ ռուսական շոու-բիզնեսում հանդես գալուց հետո երգչուհին այս տարի նկարահանեց իր առաջին հայկական տեսահոլովակը` Սայաթ-Նովայի ՙԹամամ աշխարհ՚ երգի հիման վրա: Եվան նաեւ մոդել է, 13 տարեկանում, ունենալով 180 սմ հասակ, բացառության կարգով մասնակցել է "Ռոստովի գեղեցկուհի” մեծահասակների մրցույթին եւ արժանացել "Միսս Տաղանդ” կոչմանը:

Տվյալ պահին կատարվում է "Apricot stone” երգի տեսահոլովակի սցենարի մշակումը:

Արմենչիկ եւ Լուսինե

AVETISYAN — Fri, 12 Feb 2010 06:49:59 GMT

Երեւանյան լեփ-լեցուն դահլիճում երկօրյա մենահամերգներից անմիջապես հետո Արմենչիկը հյուրընկալվեց մեր խմբագրությունում: Ներս մտնելուն պես, ինչպես բնորոշում են նրան շատերը, «ջիգյարով» երգիչը ձեռքը դրեց մեր խմբագրության չամուսնացած բոլոր աշխատակիցների գլխին` մաղթելով. «Տարոսը Ձեզ»… Կարդա, որ տարոսը քեզ էլ բաժին հասնի Ակնհայտ էր. Արմեչիկի աչքերը երջանկությունից փայլում էին առավել, քան երբեւէ:

- Սկսենք նրանից, թե ե՞րբ Արմենչիկը սիրահարվեց եւ հասկացավ, որ ինչ-որ մեկի անունը ուժեղ բաբախյուն է առաջացնում իր սրտում:

- Ես եւ կինս` Լուսինե Մանուկյանը, ծանոթացել ենք անցած տարի դեկտեմբերի 21-ին Մոսկվայում: Նա արդեն տասնյոթ տարի էր` բնակվում էր այնտեղ: Ծնողները երեւանցի են: Հենց սկզբից շեշտեմ, որ հարսնացուս ռուս չէ. բոլորը կարծում են, թե կինս այլազգի է, բայց այդպես չէ: Երբ մեկնել էի Մոսկվա համերգի, նա համերգի նախաձեռնողներին օգնում էր կազմակերպչական գործերում: Մեր առաջին ծանոթությունը հենց այդտեղ էլ կայացավ եւ, ինչպես ասում են, լինելու բան էր, պիտի լիներ: Ես անգամ չէի էլ մտածում ամուսնության մասին: Ամեն բան շատ արագ ստացվեց, իսկ նրան տեսնելուն պես հասկացա, որ սիրում եմ, նա է այն միակը, ում փնտրում էի:

- Լավ, կասե՞ս` ով է ընտրյալդ, ի՞նչ մասնագիտություն ունի, ինչո՞վ է զբաղվում: Բացի այդ, մի բան էլ ճշտենք. ասում են` ընտրյալդ ռուսաստանաբնակ գործարար Արա Աբրահամյանի բարեկամուհին է: Ճի՞շտ է արդյոք:

- Առաջինը` Լուսինեն ռուս չէ, հայ է, ոչ մի բիզնեսմենի կամ թվարկվածների աղջիկն ու բարեկամուհին չէ: Պարզապես Մոսկվայում բնակվող լավ ընտանքի լավ ու հրաշալի աղջիկ է: Կինս 23 տարեկան է, Մոսկվայում է ուսանել. երկու բուհ է ավարտել` մասնագիտանալով տարբեր մասնագիտություններում: Նա իսկական հայուհի է: Հրաշալի ու լավ մարդ, անչափ բարի. եթե ըտրել եմ, ուրեմն հրաշալի մարդ է:

- Ամենից շատ ի՞նչը քեզ գրավեց Լուսինեի մեջ, ի՞նչով նա քեզ գերեց:

- Նախ` շատ կիրթ ու խելացի աղջիկ է ու ամենկարեւորը` բարի: Հետո նախանձություն չկա նրա մեջ, շատ աջակցող եւ քաջալերող մարդ է, ինչը ես գնահատում եմ: Արտաքինից շատ գեղեցիկ է, սակայն ինձ համար ավելի կարեւոր է հոգու գեղեցկությունը, եւ այս պարագայում այդ ամենը մեկտեղվել է: Ամենից կարեւորը` նա ինձ հասկանում է: Երբ նոր էինք շփվում, ըմբռնումով էր մոտենում այն հարցին, որ շատ զբաղված եմ, որ սա իմ կյանքն է: Հետո նշեմ, որ Լուսինեն իմ երգարվեստի երկրպագուն չի եղել, եւ այդ հանգամանքը մեր միասնության մեջ ոչ մի դերակատարում չի ունեցել, նա ուղղակի լսել էր մի քանի երգ եւ վերջ

- Համերգից առաջ տեսար, սիրահարվեցիր, հետո ի՞նչ եղավ… զանգեր, հանդիպումներ…

- Համերգից հետո եկա Հայաստան, սկսեցինք հեռախոսով շփվել, սկայպով, էլփոստով, ինչը շարունակվեց նաեւ Ամերիկայից: Հետո նորից Ռուսաստան մեկնեցի, կրկին հանդիպեցինք: Ծանոթացա ընտանիքի անդամների հետ ու հասկացա, որ, այո, նա այն միակն է, իմ կեսն է, ում երկար ժամանակ փնտրում էի:

- Ե՞րբ կայացրեցիր այդ վճռական որոշումը եւ ինչպե՞ս ամուսնության առաջարկություն արեցիր:

- Անցած տարվա ապրիլին մեկնեցի Ռուսաստան` հերթական համերգիս, մատանի վերցրեցի, մենակ գնացի իրենց տուն… Միանգամից ասացի` կամուսնանա՞ս ինձ հետ, ասաց` այո, իսկ մայրը զարմացած նայում էր, թե ինչ է կատարվում տանը: «Այո»-ից հետո որոշեցինք օրինականացնել այս որոշումը եւ գնալ զագս: Արդեն անցած տարվա հունիսին էլ Մոսկվայում տեղի ունեցավ մեր նշանադրության արարողությունը, որին ներկա էին ծնողներս, քավորը, քավորկինը, ընկերներ, հարազատներ: Մեր քավորը իմ շատ լավ ընկերն է, ով երգարվեստից չէ, բայց ես նրան եմ ընտրել, քանի որ ընտանքի լավ հայր է, լավ ընտանիք ունի, մեր կողքին կլինի եւ որպես լավ մարդ, եւ որպես օրինակելի անձնավորություն:

- Ծնողներիդ արձագանքն ինչիսի՞ն էր, երբ իմացան, որ Մոսկվայում աղջիկ ես հավանել:

- Ինձանից շատ էին ուրախացել: Ծնողներս գիտեն, որ եթե ընտրել եմ` ուրեմն ճիշտ ընտրություն եմ կատարել. նրանք իմ ցանկացած ընտրությանը կողմ կլինեին: Հայրս միշտ ասում էր` ամուսնացիր, թոռներ ունենանք, մեծ ընտանիք դառնանք` չնայած քույրս էլ երեխաներ ունի: Ծնողներս միշտ պատրաստ են աջակցել, միայն թե գտնեի երկրորդ կեսիս: Լուսինեին շատ սիրում են ու հարգում:

- Մի քանի ամսից էլ հարսանիքն էր. պատմիր, ե՞րբ տեղի ունեցավ, որտե՞ղ եւ ինչպե՞ս անցավ:

- Հարսանիքը տեղի ունեցավ անցած տարվա դեկտեմբերի 24-ին Լոս Անջելեսում, Սուրբ Ծննդյան տոներին: Ամեն բան արել ենք հայկական ավանդույթների համաձայն: Մեր օրհնությունը ստացել ենք Սուրբ Մարիամ Աստվածածին եկեղեցում, հարսանիքը ուղեկցվել է դհոլով, կլարնետով, զուռնայով, մայրս լավաշ է գցել մեր ուսերին, աման ենք կոտրել տուն մտնելիս

- Մինչ ա՞յդ էր հարսնացուդ քեզ հետ տեղափոխվել ԱՄՆ:

- ՉԷ, Լուսինեն ու իր մայրը (հարսնացուի հայրն այլեւս չկա) հարսանիքից տասն օր առաջ էին եկել ԱՄՆ եւ բնակվում էին ընկերներիցս մեկի տանը, որտեղից էլ հենց տեղի ունեցավ հարսին դուրս բերելու այդ գեղեցիկ արարողությունը, իսկ մինչ այդ, միասին զբաղված էինք հարսանիքի կազմակերպչական հարցերով:

- Ենթադրում ենք` հարսանիքը բազմամարդ է եղել. հայտնիներից ովքե՞ր էին հրավիրված:

- Դե, հարսանիքը ընդգրկուն էր` մոտ 480 մարդ: Հայտնիներից շատերը կային, ով այդ օրերին ամերիկյան մրցանակաբաշխությանը ԱՄՆ-ում էր, բոլորին էլ հրավիրել եմ. Սոֆի Մխեյանին, Խորեն Լեւոնոյանին, Նազենի Հովհաննիսյանին, Հարութ Բալյանին, «32 ատամից» Վաչեին, ԱՄՆ-ի իմ ընկերներին, բարեկամների, հարազատների եւ շատ-շատ ուրիշների:

- Հարսանիքին Լուսինեի համար ինքդ որեւէ բան կատարե՞լ ես:

- Իհարկե, իմ հարսանիքին երգել եմ հենց Vision երգը, որը նվիրված է կնոջս: Հարսանիքի ողջ ընթացքում տարբեր տեղերից շնորհավորանքներ, ծաղիկներ էինք ստանում:

- Հարսանիքից գրեթե անմիջապես հետո երեւանյան մենահամերգդ էր. հասցրի՞ք ամուսնական թեկուզ կարճատեւ ճամփորդության մեկնել: Բացի այդ, որոշել եք առանձի՞ն ապրել, թե՞ ծնողների հետ:

- Հարսանիքի հաջորդ օրը մեկնեցինք Լաս Վեգաս, քանի որ շատ հայտնի Mandalay bay դահլիճում համերգ ունեի: Հետո վերադարձանք, ընտանիքիս հետ Նոր տարին դիմավորեցինք եւ երկուսով եկանք Հայաստան. այստեղ Լուսինեն նաեւ տատիկ, պապիկ ունի, մտածեցինք` կայցելենք նաեւ նրանց: Մեր ընդհանուր բակում երկու առանձին տուն ունենք, որից մեկում էլ մենք կապրենք

Իսկ Լուսինեն կաշխատի՞ իր մասնագիտությամբ, թե՞ նախընտրում ես, որ նա տնային գործերով զբաղվի:

- Լուսինեն իր գաղափարներն ունի, եւ կարծում եմ, նաեւ դրանք կյանքի կկոչի: Ինձ համար կարեւոր է, որ նա լինի իմ կողքին: Եթե Աստված տա, հետո կզբաղվի երեխաների դաստիարակությամբ, կաջակցի ինձ, ամեն բան ժամանակը ցույց կտա:

- Ընտանիք կազմեցիր, ի՞նչ է այն քեզ համար: Երեխա ունենալու մասին արդեն մտածո՞ւմ եք, թե՞ դեռ շուտ է:

- Ընտանիքն ինձ համար սրբություն է: Պետք է փորձեմ լավ ընտանիք ունենալ, ընտանիքի լավ հայր ու ամուսին լինել, ինչպես հայրս ու մայրս են տանջվել, մեզ մեծացրել, հասցրել մեր նպատակին, այնպես էլ մենք պետք է կարողանանք մեր երեխաների համար լավն անել, որ հետո էլ դրա պտուղները քաղենք ու վայելենք: Ես կցանկանամ ունենալ շատ բալիկներ, տեսնենք, Աստված ինչպես կամենա: Ես սիրում եմ մեծ ընտանիք, որ հետո, պատկերացնո՞ւմ եք, թոռներիդ հետ նստես, զրուցես… ինչ հետաքրքիր կլինի: Աստված ինչպես կկամենա, թող այնպես էլ լինի:

- Միշտ լարված գրաֆիկով ես աշխատում, հնարավո՞ր է` ամուսնությունը ստիպի դադար առնես որոշ ժամանակով:

- Ոչ, ավելի շատ պիտի աշխատեմ, հիմա ընտանիք եւ դեռ շատ երազանքներ ունեմ, որոնք պետք է իրականացնեմ:

- Երեւանյան մենահամերգին Լուսինեն դահլիճո՞ւմ էր, թե՞ տանն էր սպասում քեզ:

- Հա, իհարկե, ինձ հետ էր, կուլիսներում օգնում էր ինձ հագուստների ընտրության, վերջին շտկումներն անելու հարցում: Արդեն կա երկրորդ աչք, ով ասում է` այ, էսպես լավ է կամ էսպես վատ է… Ուրախանում է իմ հաջողություններով եւ միշտ կօգնի ինձ:

- Երկրպագուների մեծ բանակ ունես: Ի՞նչ ես կարծում, հնարավո՞ր է ամուսնությունից հետո նեղանա այդ շրջանակը, եւ հասցրե՞լ ես խելակորույս նամակներ կամ զանգեր ստանալ երկրպագուներիցդ:

- «Նոկիա» թատրոնում կայացած համերգի ժամանակ, երբ ասացի, որ ամուսնանում եմ, բոլորը շատ ուրախ ծափահարություններով ընդունեցին լուրը: Ես էլ շատ ուրախացա, հասկացա, որ իսկապես սիրում են իմ երգերը: Նույնն էլ Երեւանում համերգի ժամանակ կատարվեց, բոլորն էլ շատ ուրախացան: Ուղղակի խորհուրդ կտամ. թող լսեն իմ երգերը, ծայրահեղ քայլերի չդիմեն, գտնեն իրենց երկրորդ կեսին, ամուսնանան ու իրենց սիրած մարդու հետ գան Արմենչիկի երգերը լսելու

- Խոսենք շրջագայություններից. ի՞նչ նորություններ են սպասվում: Լուսինեն այդ ընթացքում կուղեկցի՞ քեզ:

- Առաջիկայում համերգներով կլինեմ Ռուսաստանում, Սիրիայում` Դամասկոսում, Հալեպում, Կանադայում եւ կշարունակեմ համերգներս նաեւ այլ երկրներում: Իսկ Լուսինեն հավանաբար չի ուղեկցի ինձ, քանի որ գրաֆիկը շատ խիտ է:
Շուտով պատրաստ կլինի նաեւ «Նոկիա» թատրոնի համերգի տեսասկավառակը: Ի դեպ, միակ հայն եմ, ով այս անգամ էլ առաջինն է «Նոկիայում» համերգ ունեցել:

- Այս ընթացքում հասցրե՞լ եք ինչ-որ բանի պատճառով վիճել, լուրջ տարաձայնություններ ունենալ:

- Լուրջ վեճեր չեն եղել, եւ եթե մարդ խելացի է, գիտի, որ լուրջ խնդիրներ լինել չեն կարող, եթե հասկանում են իրար: Կարեւորը` նա ինձ հասկանում է, սիրում է, ինքն էլ գիտի, որ ես էլ իրեն եմ սիրում:

- Քանի որ հունվար-փետրվար ամիսները սիրո ամիսներն են, ի՞նչ կմաղթես սիրահար զույգերին:

- Ով սիրոմ է` թող ավելի շատ սիրի, ով չի գտել` թող գտնի իր սիրուն եւ միասին լսեն Արմենչիկի երգերը:

EUROTESIL 2010

AVETISYAN — Fri, 12 Feb 2010 06:35:12 GMT

Էմմին, Միհրանն ու Ռազմիկը պարզելու հարցեր ունեին

Փետրվարի 10-ի երեկոյան Էմմին, Միհրանը, Միացյալ Նահանգներից ժամանած պարողները եւ Ռազմիկ Ամյանը "Segafredo” սրճարանում "Եվրատեսիլ”-ի հայաստանյան նախընտրական փուլի հետ կապված հարցեր էին պարզում: Բոլոր հարցերին պատասխանում էր հայաստանյան պատվիրակության ղեկավար Դիանա Մնացականյանը:

Էմմին Bravo.am-ին պատմեց, որ իրենց համար կարեւոր է բեմի "վիճակը”: "Բեմի հատակը շատ հարթ պետք է լինի, որ պարողներին ոչինչ չխանգարի: Էլեմենտներ կան` սղլիկ ու հարթ հատակ են պահանջում: Կազմակերպչական ուրիշ հարցեր էլ կար. ուզում ենք 14-ին ամեն ինչ շատ լավ լինի: Ամեն օր փորձերի մեջ ենք”:

Էմմին նշեց, որ իրենց դուետի հաղթելու շանսերը հիսուն-հիսուն են. "Ուզում եմ` մեր երկրպագուները չզլանան եւ sms հաղորդագրություն ուղարկեն. յուրաքանչյուր sms կարող է ճակատագրական լինել”:

"Դեռ խելոք են, որեւէ մեկը մյուսի մազերը չի պոկել”.Դիանա Մնացականյան

Դիաննա Մնացականյանը շատ ուրախ է, որ այս տարի պայքարը թեժ է. "Տարբեր խոսակցություններ կան, դրանից բարձրանում է մեր կազմակերպած շոուի դիտողականության աստիճանը: Բայց դեռ խելոք են, որեւէ մեկը մյուսի մազերը չի պոկել առայժմ, հուսով ենք` այս ամենը կանցնի-կգնա, որովհետեւ շարունակելու են աշխատել այս երկրում, երգելու են այս հանդիսատեսի համար”:

Միհրանը հոգնել է. քանի օր է` չի հասցնում քնել. "Անցյալ գիշեր էլ չքնեցի, որովհետեւ Ամերիկայում լիքը գործեր ունեմ. գիշերները դրանով եմ զբաղվում, ցերեկները "Եվրատեսիլ”-ով”:

Պարող ու երգիչ Միհրանը ոչ մի կասկած չունի, որ հաղթելու են. "Էմմին ու Միհրանը չեն պարտվի, եթե ամեն ինչ արդար լինի: Մենք գիտենք, որ բազմաթիվ երկրպագուներ ունենք: Բոլորն ասում են, որ մեզ հետ են: Մեր ընկեր Ռազմիկ Ամյանն էլ, որ մասնակիցներից է, իր ձայնը տալու է մեզ, մենք էլ` իրեն”

Նա նորից նշեց, որ մի ամիս առաջ է իմացել նախընտրական փուլի մասին: "Ինձ ուրիշ ձեւ էին բացատրել, գիտեի` ինչ պատրաստում ենք Էմմիի հետ, "Եվրատեսիլ”- ի համար է: Դրա համար էինք չորս-հինգ երգ պատրաստել, որ ընտրեին մեկը: Թե չէ ժամանակ չէինք ծախսի` այդքան երգ ձայնագրելով: Կարծում եմ` Էմմին գիտեր նախընտրական փուլի մասին, բայց մենք չէինք զրուցել դրա մասին: Երբ իմացա, սկսեցի մտածել` արժի՞ մասնակցել: Բայց այնքան գործ էինք արել, չուզեցի ջուրը գցել: Ցույց կտանք Հայաստանին` ինչ կարող ենք անել: Ունենք լավ երգ, լավ շոու, երբ գնանք Օսլո, հազար անգամ ավելի լավը ցույց կտանք”,- ասաց Միհրանը:

Ռազմիկ Ամյանն էլ է դրական տրամադրված. "Հույս ունեմ, որ նախընտրական փուլում լավ կլինի ամեն ինչ: Իհարկե, ինչ խոսք, կուզեմ, որ ընտրվի երգս: Տեսնենք` ինչ կստացվի”:

Այս ամենի մեջ կարող էր Սոֆի Մխեյանն էլ լինել, բայց երգչուհին չցանկացավ: "Շատ ծանր աշխատանքային գրաֆիկ ունեմ: Bravo.am-ի հետ միշտ կապի մեջ եմ, ընթերցողները գիտեն այդ մասին ու, դիտելով կայքի Celebrities բաժինը, հասկացա, որ շատ են հետեւում իմ գործունեությանը”,- ասաց Սոֆին:

Երգչուհին նշեց, որ հաճելիորեն ուրախացած եւ զարմացած է: "Չէի սպասում, էրեխեքը զանգահարեցին ու հրավիրեցին այստեղ: Բավական լուրջ, թեժ պայքար է այս տարի: Բայց ինձ ուրախացրեց այն, որ մի քանիսը հավաքվել են իրար կողք, թե ինչ են խոսում իրար հետեւից, դա, կարծում եմ, էական չէ: Կարեւորը ամեն մեկն իր աշխատանքն է անում, ես էլ իրենց կողքին եմ եւ սիրով փետրվարի 14-ին կհետեւեմ նախընտրական փուլին: Կդիտեմ այդ ամենը եւ նոր կունենամ հստակ կարծիք: Բոլորը շատ տաղանդավոր են ու շատ տարբեր”,- ասաց Սոֆի Մխեյանը:

Սոֆին տասը մասնակիցներին էլ լսել է. "Հատուկ մի կողմ չեմ բռնի: Դիվանագիտորեն կլինեմ ավելի ճիշտ: Միհրանի եւ Էմմիի երգն ուրիշ զգացողությունների վրա է. աշխարհով մեկ հայտնի պրոֆեսիոնալ պարողներ ունեն, Ռազմիկը փայլուն ձայնային տվյալներ ունի, տարբերվում է շատ, Եվա Ռիվասը ընդհանրապես եվրոպական, հայկական մոտիվներով հետաքրքիր երգ է ներկայացնում…”:

Ի դեպ, Սոֆի Մխեյանն այս տարի աշնանը Երեւանում մենահամերգով է հանդես գալու: Իհարկե, Bravo.am-ն առաջինը ձեզ կտեղեկացնի մենահամերգի հետ կապված բոլոր մանրամասներին:

"Եվրատեսիլ”- ով վարակվածներին տեղեկացնենք, որ սյսօր նկարահանվելու են մեկ րոպե տեւողությամբ տեսանյութեր, մասնակիցները ողջունելու են հանդիսատեսին, պատմելու են` ինչու են հատկապես այդ երգով ներկայանում, 23:00-ին էլ վիճակահանությունը կլինի:

Հայկո եւ Անահիտ

AVETISYAN — Fri, 12 Feb 2010 06:24:29 GMT

Ինչպես արդեն հայտնել ենք, հունվարի 16-ին «Օջախ» ռեստորանում տեղի է ունեցել հայկական էստրադայի աստղեր Հայկոյի եւ Անահիտ Սիմոնյանի նշանդրեքի արարողությունը: Այն անցել է նեղ ընտանեկան շրջանակում եւ փակ է եղել լուսաբանման համար: Այժմ ձեր ուշադրությանն ենք ներկայացնում մի քանի լուսանկարներ նշանդրեքի արարողությունից, որոնք մեր կայքին է տրամադրել Հայկոն: